2 Enpresagintza Fakultatea (MUE)

MIK S. Coop. (https://mik.mondragon.edu/es/inicio ) MONDRAGON Korporazioaren Kudeaketa Ikerketa Zentroa da eta Mondragon Unibertsitateko Enpresagintza Fakultateari atxikita dago. Irabazi asmorik gabeko lan elkartuko kooperatiba da. Bazkideak bere langileak (ikertzaileak eta administrazio eta zerbitzuetako langileak) eta enpresa laguntzaileak dira. Ikerketa Zentroa Eusko Jaurlaritzaren Zientzia, Teknologia eta Berrikuntzaren Euskal Sarearen Zentro Teknologiko Sektorial gisa akreditatuta dago. MIKek bere I+G+Bko kudeaketa-sistema dauka, ikastetxeko jardueren bikaintasuna bermatzen duena, modu koordinatu, sistematiko eta koherentean egitea ahalbidetuz. Sistema horrek 166.002 ziurtagiria du. MIK S. Coop. enpresaren misioa enpresa-kudeaketako ikerketaren arloan erreferente izatea da, gure inguruko enpresa eta erakundeekin (Mondragon Korporazioa, Euskal Autonomia Erkidegoa, etab.) lankidetzan ikerketa eta transferentzia garatuz. Erakundearen helburuak hiru multzo handitan kokatzen dira: 1. Bikaintasun zientifiko ikertzailea, 2. Espezializazioa bezeroarekin eta 3. Merkaturako transferentzia. Bikaintasunera bideratutako lan zientifikoak ekoizteko gaitasuna sendotu egin da azken urteotan indexatutako artikuluak argitaratuz eta doktorego-tesiak defendatuz. Beste zutabe garrantzitsu bat merkaturako transferentzia da, loturaren eta enpresei balioa emateko gaitasunaren bidez. Hori guztia ikerketa industrialago eta esperimentalagoan ardaztearen ondorioz, enpresek beren prozesuetan modu natural eta berehalakoan aplika dezaketen ezagutza sortzen duena. MIKek bezeroarekin duen espezializazio-proiektua sendotuz joan da, eta, horri esker, datozen urteetan gure erakundearen garapen estrategikoan giltzarri izango diren ezagutza-arlo jakin batzuk zehaztu eta horietan arreta jarri ahal izan du.

Web-orria: https://www.mondragon.edu/es/facultad-empresariales

Ibarra Zelaia, 2,    20560 Oñati