Arrasateko kooperatibagintzaren erronkak eta dilemakFagor Etxetresnak kooperatibaren krisiaren ondotik

Résumé

Esku artean duzun lanak hainbat kooperatibetako arduradunek eta bazkideek Arrasateko Esperientzia Kooperatiboaren erronken eta dilemen inguruan egindako hausnarketen sintesia jasotzen du. Lanaren abiapuntua esperientzia kooperatibo honen ibilbidean mugarri izan den Fagor Etxetresnak kooperatibaren krisian eta itxieran kokatzen da. Gertakariaren garrantziak bultzatuta murgildu gara lan honetan. Batetik, krisiaren gakoak ulertzeko eta, bestetik, kooperatiba honen esperientziatik irakaspenak ondorioztatzeko. Sinetsirik gaude kooperatiba enblematiko horren esperientzian aurkituko ditugula, irakatsiari probetxua ateratzeko gai bagara bederen, egungo erronka ekonomikoei, sozialei eta humanoei erantzuteko gai izango den kooperatibismo indarberrituaren gakoak.