Euskal Autonomia Erkidegoko gazte etorkin tutelatu ohien gizarteratze prozesuak. Gizarte laguntasunezko esku-hartzeak aztergai

  1. EPELDE JUARISTI, MADDALEN
Dirigida per:
  1. Benjamín Tejerina Montaña Director/a

Universitat de defensa: Universidad del País Vasco - Euskal Herriko Unibertsitatea

Fecha de defensa: 08 de d’abril de 2016

Tribunal:
  1. Xabier Aierdi Urraza President/a
  2. Xavier Itçaina Secretari/ària
  3. Monika Madinabeitia Medrano Vocal

Tipus: Tesi

Teseo: 120729 DIALNET lock_openADDI editor

Resum

Doktoradutza tesi honen ikerketa objektua EAEn dauden gazte etorkin tutelatu ohiek aurkezten duten gizarteratze egoera ezagutzea da, eta familia autoktonoekin mantendutako gizarte harremanek prozesu horretan betetzen duten papera aztertzea. Espainia zein Euskal Herrira adin txikiko izanik iristen diren mutikoak dira hauek, eta baldintza horrek babesa ematen die 18 urte bete arte; adin nagusitasuna betetzean ordea gaitasun juridiko osoa eskuratzen dute eta babesgabetasun egoeran aurkitzen dira bat-batean. Hori dela eta, egoera berezi horretan aurkitzen diren subjektuen gizarteratze prozesua zein baldintzetan ematen den aztertzea du objektutzat tesi honek. Ikerketa horretan gaur egungo krisi ekonomikoa kontutan izan da, gazte etorkinei zuzenean eragiten dien gertaera baita, lanpostu bat eskuratzeko zailtasun itzelak eraginez. Hiru lurralde historikoek martxan jarritako emantzipazio baliabideak ere aztertu dira, horiek gizarteratze prozesua ahalbidetzeko erakusten duten eraginkortasun maila ezagutzeko asmoz. Azkenik, enplegua eskuratzeko dituzten zailtasunak direla eta, komenigarria ikusi da potentzialtasun integratzailea duten eta mekanismo tradizionalen gabeziak osatzen dituzten elementu eta ekintzak ikertu eta horiekiko apostua egitea. Zentzu horretan adin txikiko ziren bitartean Gipuzkoako Izeba proiektuan (adin txikiko etorkinak familia autoktonoekin harremanetan jartzea helburu duena) parte hartzeko aukera izan zuten gazteek izebengandik jasotzen duten gizarte laguntasuna aztertu da, eta laguntasun horrek gazte etorkin tutelatu ohien gizarteratze prozesuan nolako eragina duen ikusi.